Музыкалық қобдиша

      2021 ж. 26 ақпанда «Ақмола облысы білім басқармасының Целиноград ауданы бойынша білім бөлімінің жанындағы Софиевка ауылының «Жарқын Ай» МКҚК  балабақшасында онлайн форматта ZOOM арқылы «Музыкалық қобдиша» тақырыбында аудандық семинар өтті. Семинардың басында аудандық білім бөлімінің әдіскері  Л.Н. Касымова сөз сөйледі, сондай-ақ Целиноград ауданының меңгерушілері, тәрбиешілері, музыка жетекшілері, педагогтары қатысып, өзара тәжірибе алмасты. Семинарға 36 қатысушылар қатысты. Семинардың мақсаты: «Мектеп жасына дейінгі балаларға ең қарапайым музыкалық қабілеттерін есте сақтау, дамыту. Музыканың өмірмен байланысты екенін түсіндіру, әнге деген қызығушылықтарын ояту».

   «Жарқын Ай» балабақшасының  меңгерушісі  Г.Б.Кульпейсова алғы сөз сөйледі. Музыка жетекшісі Илюбаева А.Ж. «Оркестрде ойнау» тақырыбында слайд презентациясын ұсынды. Келесі сөз кезегін «Алтын дән» МКҚК балабақшасы алды. Балабақшаның музыка жетекшісі Басшиева Ләйла Қәдірбекқызы «Мектеп жасына дейінгі балалардың музыкалық қабілеттерін дамытуда жаңа технологияларды қолданудың маңыздылығы» бойынша сөз сөйледі. Әрі қарай «Күншуақ» МКҚК бөбекжайының музыка жетекшісі Смагулова Гүлдана Аскаровна «Көңілді ноталар» атты оқу қызметімен таныстырды. «Солнышко» МКҚК бөбекжайының музыка жетекшісі Трубицкая Евгения Николаевна «Рисуем музыку» ҰОҚ таныстырды. «Жұлдыз» МКҚКбалабақшасының музыка жетекшісі Биртаева Нургуль Баймухановна «Мектепке дейінгі балалардың вокалдық ән айту қабілеттерін жетілдіру» тақырыбында сөз сөйледі. «Болашақ» МКҚК бөбекжайы музыка жетекшісі Жанбуршин Болат Кабыкенович барлық педагогтарды халықаралық әйелдер күнімен шын жүректен құттықтап, сонымен қатар «Қыс әуендері» тақырыбын слайд арқылы таныстырды. «Әсем - Ай» МКҚК балабақшасының музыка жетекшісі Қайыржан Бейбітбек Қамарұлы «Мектеп жасына дейінгі балалардың ұлттық музыкалық аспаптарда ойнау қабілетін қалыптастыру» тақырып  бойынша сөз алды. 8 – наурыз мерекесіне орай Бейбітбек Қамарұлы қазақ домбырасымен ән шырқады.

   Семинар соңында Талапкер ауылының «Әсем - Ай» балабақшасының әдіскері А.У. Сулейменова сөз сөйледі. Семинар жоғары деңгейде өткенін айтты. Семинарға қатысқан балабақша меңгерушілері, педагогтары өз пікірлерін білдірді.