Ұлыстың ұлы күні –Наурыз

«Ұлыстың ұлы күні –Наурыз» атты ертеңгілік

«Дана» ересек тобы

Уа,жараңдар,жараңдар

Бәрің бері қараңдар.

Ұштасқан оймен мәңгілік

Біздерде бар сан ғұрып.

Келе жатқан жаңғырып.

Наурыз тойы басталды.

Көргендер де арманда,

Көрмегенде арманда,

Қызықтан тыс қалмандар.

Жүргізуші:

Армысыздар, қадірменді қонақтар! Ортада ересек «Дана»тобының  «Ұлыстың ұлы күні-Наурыз» атты ертеңгілігіне қош келдіңіздер!Бәріміз асыға күткен Наурыз тойымызда келіп жетті.Тойларыныз құтты болсын!

Сәулесі бар Наурызда таңғы үміттің

Басын қосқан сан ұлттың,сан ғұрыптың

Ұлыстың ұлы күнін паш етейік

Белгісі достық пенен татулықтың.

Жүргізуші:

Келе жатыр жылымыз,

Мейрам дейміз мұны біз.

Халқы сүйген мейрамды

Қарсы алайық Наурызды!

Қане балалар Наурыз аруын қарсы алайық!

(Әжесі мен Наурыз аруы ортаға келеді)

Әже: Сәлеметсіздер ме, балалар!Сәлеметсіздер ме, қонақтар! Бүгінгі наурыз мерекесі құтты болсын!

Наурыз аруы

Ашық болсын күніміз

Жадыраған өмірде.

Айтылады жырымыз

Жайнатады гүл-гүлді

Сайратамын бұл-бұлды.

Мерейлі жұрт тойласын

Мейрам етіп бұл күнді.

Жүргізуші: Әже, Наурыз аруы сәлеметсіздер ме!  Бүгінгі мерекеде бізге қонақ болыңыздар. Балалар бұл мерекеге өте жақсы дайындалады. Балалардың өнерін тамашалаңыздар.

Әже: Жарайды! Мерекеде сендермен бірге болайық.

Ендеше балаларымыздың әнін қабыл алыңыздар!

Ән: «Наурыз жыл басы»

Жүргізуші: Балалар, қонақтар  сүйінші Қыдыр ата келеді!Сәлеметсіз бе!

Қыдыр ата: Армысыздар халайық. Ұлыстың ұлы күні құтты болсын! Мұнда не болып жатыр? Бәрің неге жиналып алғансыңдар?

Жүргізуші:Қыдыр ата келіңіз. «Ұлыстың ұлы күні –Наурыз» атты ертеңгілікке қонақ болыңыз. Әже мен Наурыз аруының жанына отырып дәмнен алыңыз.

Жүргізуші: Олай болса балаларыдың тақпақтарына кезек берейік.

Алдияр:

Наурыз келді еліме,

Наурыз келді жеріме.

Байлық бақыт тілеймін,

Бүкіл қазақ жеріне.

Арлан:

Жылдың басы Наурыз,

Жердің басы Наурыз.

Мерекеге арналсың,

Бүгінгі жыр әніміз.

Нұрсұлтан:

Жыл басы-Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды.

Жүргізуші: Келесі кезекте тобымыздың мың бұралған бишілеріне кезек берейік.

Би: «Наурыз биі»

Жүргізуші:

Ұшады аққу көліменен,

Жүреді көл жағалап, жазыменен.

Жарасар осындайда әзіл күлкі,

Ойынды бұратұғын назыменен-демекші, ойынмен жалғастырсақ қалай болады?

Олай болса балалармен ойын ойнайық .

«Көкпар» ойыны

Ортада үстелде орамал ұстап қыз отырады. Екі ер бала атқа мініп дайын тұрады . Әуен басталғанда шеңбер бойымен айналып жүгіреді. Әуен тоқтағанда қыздың қолындағы кестелі орамалын қайсысы бұрын алса, сол жеңіске жетеді.

Жүргізуші: Балалар келесі екі топқа бөліп ойын ойнағым келіп тұр. Ойынымыз «Арқан тарту».

Жүргізуші:

Жаңғыртып дәстүрімді рахмет елім,

Тербетсін шаттық әні қазақ жерін

Той бастаған қадамың құтты болсын

Жалғайтын дәстүрімді бөбектерім.

Балалардың тақпақтары.

Альтайр:

Наурыз келді нұр келді,

Түгел аймақ түрленді.

Бақшадағы балалар

Тойға әзір болып үлгерді.

Нұрмұхан:

Наурыз тойым, наурыз ойым,

Құтты болсын халайық

Қане достар,қане достар

Шырқап әнге салайық

Мансур:

Наурыз келді еліме

Наурыз келді жеріме

Байлық бақыт тілемін

Бүкіл қазақ еліне.

Жүргізуші: Мың бұралған биші қыздрымыздың биіне кезек берейік.

«Домбыра» биі.

Жүргізуші:

Дәстүрдің озығы бар жазығы бар,

Өткеннің бізге жеткен асылы бар.

Дүниеге келген сәбиді,

Қазақта «Бесікке салу» рәсімі бар.

Біз қазақ халқы салт-дәстүрді қастерлеп, болашақ ұрпаққа көрсетіп жүрген халықпыз.

Жүргізуші: Олай болса ортамыздағы қадірлі қоңағымыз Әжемізге «Бесікке салу» рәсіміне жолын берсек.

«Бесікке салу» рәсімі.

Жүргізуші: Кезекте бүлдіршіндердің орындауында «Наурыз көктем» әні.

Жүргізуші:

Ұлыс күні қазан толсын

Осы жылы ақ мол болсын

Ұлы кісіден бата алса

Сонда олжалы жол болар, деп Қыдыр ата өзінізден бата сұраймыз.

Қыдыр ата бата береді.

Сұрасаң бата берейін ,

Үстем болсын мерейің

Ықыласпен қол жайсаң,

Ақ тілекті төгейін

Ұлыс оң болсын

Ақ мол болсын

Қайда барсаң жол болсын!

Ұлыс бақытты болсын,

Төрт түлік ақты болсын!

Жүргізуші:

Құрметті қонақтар бүгінгі «Ұлыстың ұлы күні –Наурыз» атты ертеңгілік өз мәресіне жетті.

Наурыз құтты болсын!

Дендерініз сау,мықты болсын!

Наурыз тойы келе берсін!

Барлық халық бақытты болсын,

Қош сау болыңыздар, халайық!